Առանձնակի հաջողությունների հասած երիտասարդները տարկետում ստանալու հնարավորություն կունենան
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Հայաստանի կառավարության առաջիկա նիստերից մեկում որոշման նախագիծ կընդունվի առանձնակի հաջողությունների հասած երիտասարդներին զինվորական ծառայությունից տարկետում տալու մասին, որում սահմանված են նաև համապատասխան չափորոշիչները:
Ազգային ժողովում կառավարության հետ հարցուպատասխանի ժամանակ այս մասին ասաց ՀՀ պաշտպանության նախարարի պաշտոնակատար Վիգեն Սարգսյանը՝ պատասխանելով «Ելք» խմբակցության պատգամավոր Գևորգ Գորգիսյանի հարցին: «Առաջիկա նիստերից մեկում նախագիծը կառավարության որոշման տեսքով ընդունվելու է: Նախագծում եղած չափորոշիչները կարելի է հիմք ընդունել»,- «Արմենպրես»-ի հաղորդմամբ՝ ասաց Վիգեն Սարգսյանը:
Նախարարի պաշտոնակատարը հավելեց, որ ակտիվ քայլեր են ձեռնարկվում զինված ուժերում գիտական վաշտ ձևավորելու ուղղությամբ այն նորակոչիկների համար, ովքեր իրենց գիտելիքները կարող են ծառայեցնել զինված ուժերի խնդիրների լուծմանը:
Բաժանորդագրվեք մեր ալիքին Telegram-ում