Իլոն Մասքը ցուցադրել Է միջմոլորակային տիեզերանավի մի մասը
ԵՐԵԱՆ, 10 ԱՊՐԻԼԻ, ԱՐՄԵՆՊՐԵՍ: Միացյալ Նահանգների Space X տիեզերական ընկերության ղեկավար Իլոն Մասքն Instagram-ի իր Էջում հրապարակել Է BFR (Big Falcon Rocket) միջմոլորակային տիեզերանավի կորպուսի հիմնական մասի լուսանկարը: Մասշտաբը գնահատելու համար նա կողքին կայանել Է Tesla Model 3 ավտոմոբիլը, տեղեկացնում Է «Արմենպրես»-ը:
Ենթադրվում Է, որ նոր հրթիռի տրամագիծը կկազմի ինը մետր, երկարությունը՝ 106 մետր: Հրթիռը սարքավորված կլինի աստղագնացների համար 40 խցիկներով:
Առաջին անգամ BFR նախագիծը Մասքը ներկայացրել Է 2017 թվականի սեպտեմբերին՝ ելույթ ունենալով IAC2017 (International Astronautical Congress) միջոցառմանը:
BFR տիեզերանավի փորձարկումները պետք Է սկսվեն 2019 թվականին: Space X-ի առաջին առաքելությունները Մարս պլանավորված են 2022 եւ 2024 թվականներին, սակայն ժամկետները կարող են մոտեցվել:
Բաժանորդագրվեք մեր ալիքին Telegram-ում