ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Վրաստանի Տղիբուլի քաղաքի «Մինդելի» ածխահանքում հանքագործների զոհվելու պատճառով հանրապետության կառավարության կողմից ապրիլի 6-ին հայտարարված Սգո օրվա կապակցությամբ խոնարհված են երկրի պետական հիմնարկների դրոշները, տեղեկացնում Է «Արմենպրես»-ը:

Միջադեպը տեղի Է ունեցել լույս ապրիլի 5-ի լուսաբացին: Հետաքննության նախնական տեղեկատվությամբ՝ հանքի թունելներից մեկում տեղի ունեցել պատերի դեֆորմացիա, ինչը հանգեցրել Է առաստաղի փլվելուն: Փլուզման հետեւանքով զոհվել Է վեց ածխահատ: Եւս երեք հանքագործներ տարբեր աստիճանի ծանրության վնասվածքներ են ստացել. նրանցից մեկի վիճակը ծանր Է, ինչի մասին հայտնել Է «Ռուսթավի-2» հեռուստաընկերությունը:

Ավելի վաղ զոհվածների ընտանիքներին ու մերձավորներին ցավակցություն են հայտնել Վրաստանի վարչապետ Գիորգի Կվիրիկաշվիլին եւ նախագահ Գիորգի Մարգվելաշվիլին: