Բաթումի նավահանգստի աշխատանքը կաթվածահար վիճակում Է
ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Բաթումի նավահանգստի աշխատանքը կաթվածահար վիճակում Է աշխատողների գործադուլի պատճառով: Այդ մասին, ինչպես տեղեկացնում Է «Արմենպրես»-ը, Աջարիայի հեռուստատեսությանը տված հարցազրույցում հայտարարել Է նավահանգստի աշխատակիցներից մեկը:
Նավահանգստի մի քանի տասնյակ աշխատողներ ապրիլի 2-ին հրաժարվել են դուրս գալ աշխատանքի եւ գործադուլ են հայտարարել աշխատակիցների ազատումները դադարեցնելու պահանջով: Աշխատողները պահանջում են «Բաթումի նավթային թերմինալ» ընկերության գլխավոր տնօրեն Դանիյար Մուհամեդ Ռահիմի պաշտոնաթողությունը, ընկերություն, որը Բաթումի նավահանգստի սեփականատերն Է: Ի նշան բողոքի, ութ մարդ արդեն երկրորդ օրն Է՝ հացադուլ Է հայտարարել:
«Ներկայում նավահանգստում ապրանքաշրջանառություն չկա, նավահանգիստ նավեր չեն մտնում: Մենք կաթվածահար վիճակում ենք եւ դուրս ենք եկել ակցիայի»,-ասել Է նավահանգստի աշխատողներից մեկը:
Իր հերթին նավահանգստի վարչակազմն աշխատողներին առաջարկում Է նստել բանակցությունների սեղանի շուրջ եւ նրանց հավատացնում Է, որ ոչ մի վերակառուցում չի պլանավորվում: Բաթումի նավահանգստի գլխավոր տնօրենը վրացական ԶԼՄ-ներին տված հարցազրույցում հայտարարել Է,որ ընկերությունը դադարեցնում Է վերակառուցման գործընթացը:
«Ճգնաժամային իրադրության կապակցությամբ, որն ստեղծվել Է Բաթումի նավահանգստում, Աջարիայի կառավարության դիմումից եւ նրա հետ կոնսուլտացիաներից հետո «ՂազՏրանսՕյլ» բաժնետիրական ընկերությունը որոշում Է ընունել վերակառուցման գործընթացը դադարեցնել այնքան ժամանակ, քանի դեռ առավելագույնս հարմար որոշում չի գտնվի նավահանգստի համար»,-Մուհամեդ Ռահիմի խոսքը մեջբերել Է Վրաստանի հանրային հեռարձակողի Առաջին ալիքը:
Գործադուլավորները համաձայն չեն տնօրենի այս հայտարարությանը, նրանք պնդում են նրա պաշտոնաթողությունը եւ չեն պատրաստվում դադարեցնել հացադուլը:
Բաժանորդագրվեք մեր ալիքին Telegram-ում