ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Աթենքում Վրաստանի չորս քաղաքացիներ են ձերբակալվել բնակարաններ կողոպտելու մեղադրանքով: Այդ մասին, ինչպես տեղեկացնում Է «Արմենպրես»-ը, մարտի 28-ին կայացած ճեպազրույցում հայտնել Է Վրաստանի ՆԳ նախարարության քրեական ոստիկանության պետ Մամուկա Չելիձեն: Նրա խոսքով՝ հույն գործընկերների հետ վրացական իրավապահ մարմինների եռամսյա համատեղ գործողության արդյունքում պարզվել Է, որ ձերբակալվածները մինչեւ 200 բնակարան են կողոպտել Հունաստանի տարածքում: «Բոլոր չորս անձանց տներում եւ ավտոմեքենաներում կատարված խուզարկությունների ընթացքում իրավապահ մարմինների աշխատակիցները որպես իրեղեն ապացույցներ առգրավել են տարբեր տեսակի հրաձգային զենք, փող եւ գողացված առարկաներ»,-հայտարարել Է Չելիձեն:

Նա նշել Է, որ Հունաստանի օրենսդրության համաձայն, հանցագործներին մինչեւ 20 տարվա բանտային կալանք Է սպառնում, հաղորդել Է «Ինտերֆաքս»-ը: