Պաշտոնաթող Թիլերսոնն իր գործընկերներին խնդրել Է օրական գոնե մեկ անգամ բարյացակամ լինել մարդկանց նկատմամբ
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Ռեքս Թիլերսոնը, որը նախագահ Դոնալդ Թրամփի կողմից ազատվել Է ԱՄՆ-ի պետքարտուղարի պաշտոնից, մարտի 22-ին Վաշինգտոնում Պետդեպարտամետի աշխատակիցների հետ կայացած հրաժեշտի հանդիպմանը իր նախկին գործընկերներին խնդրել Է ջանադրաբար կատարել իրենց պարտականությունները եւ հայտնել Է, որ իրեն փոխարինողի համար զեկույցներ Է պատրաստել՝ արտաքին քաղաքականության տարբեր ասպեկտների վերաբերյալ հանձնարարականներով:
Նրա ելույթը հեռարձակվել Է Պետդեպի կայքում, տեղեկացնում Է «Արմենպրես»-ը: «Ես ձեզ կխնդրեի օրական գոնե մեկ անգամ բարյացակամություն դրսեւորել այլ մարդկանց նկատմամբ,- ասել Է նա իր ելույթի ավարտին:- Այս քաղաքը կարող Է շատ չար լինել»: «Մեր երկիրը բախվում Է մի ամբողջ շարք մարտահրավերների ու ազգային անվտանգության սպառնալիքների: Այդ պայմաններում, ինչպես երբեք կարեւոր են ձեր ջանադրությունը եւ Պետդեպարտամենտում ձեր պարտականությունները կատարելու հանձնառությունը»,- հավելել Է Թիլերսոնը:
Բաժանորդագրվեք մեր ալիքին Telegram-ում