Ուկրաինայում ԵԱՀԿ-ի առաքելության մանդատը երկարացրել են մեկ տարով
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Ուկրաինայում ԵԱՀԿ-ի Հատուկ մոնիթորինգային առաքելության (ՀՄԱ) մանդատը երկարացվել Է մինչեւ 2019 թվականի մարտի 31-ը: Այդ մասին, ինչպես տեղեկացնում Է «Արմենպրես»-ը, մարտի 22-ին հայտնել Է Վիեննայում միջազգային կազմակերպություններին առընթեր Ուկրաինայի մշտական ներկայացուցչության մամուլի ծառայությունը:
«ԵԱՀԿ-ի ՀՄԱ-ի մանդատը երկարացված Է մինչեւ 2019 թվականի մարտի 31-ը: Ուկրաինայի պատվիրակությունը հայտարարել Է, որ ՀՄԱ-ն պետք Է լիակատար եւ անարգել մուտք ունենա Ուկրաինայի ամբողջ տարածքում… ԵՄ-ի բոլոր պետությունները, ԱՄՆ-ը եւ Կանադան պաշտպանեցին»,-ասված Է ներկայացուցչության Twitter-ում զետեղված հաղորդագրության մեջ:
ԵԱՀԿ-ի մշտական խորհուրդը 2017 թվականի մարտին Ուկրաինայում առաքելության մանդատը երկարացրել Էր մեկ տարով՝ մինչեւ 2018 թվականի մարտի 31-ը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում