ԱԺ-ն մարտի 23-ին կգումարի արտահերթ նիստ
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: ՀՀ կառավարությունը կառաջարկի Ազգային ժողովի նախագահին՝ մարտի 23-ին ժամը 11-ին գումարել ԱԺ արտահերթ նիստ։ «Արմենպրես»-ի փոխանցմամբ, այդ մասին որոշումն ընդունվեց կառավարության նիստում։
Նիստի օրակարգում լինելու են «Հայաստանի Հանրապետության պետական պարգևների և պատվավոր կոչումների մասին» Հայաստանի Հանրապետության օրենքում փոփոխություններ և լրացումներ կատարելու մասին, «Հանրաքվեի մասին», «Պետական տուրքի մասին» Հայաստանի Հանրապետության օրենքում լրացում կատարելու մասին, «Հեռուստատեսության և ռադիոյի մասին» Հայաստանի Հանրապետության օրենքում փոփոխություններ և լրացումներ կատարելու մասին, Հայաստանի Հանրապետության քրեական դատավարության օրենսգրքում փոփոխություն կատարելու մասին և մի շարք այլ հարցեր։
Բաժանորդագրվեք մեր ալիքին Telegram-ում