Ժամանակը Երևանում՝ 11:07:36,   22 Հուլիս

Նախորդ տարի ՃՏՊ-ներից զոհվել է 2, վիրավորվել՝ 150-ից ավելի երեխա․ դպրոցներում կավելանան ճանապարհային երթևեկության կանոնների դասընթացները


ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Ճանապարհային ոստիկանությունում տեղի է ունեցել աշխատանքային խորհրդակցություն՝ ծառայության ղեկավար Եգոր Կարապետյանի գլխավորությամբ, որի ընթացքում քննարկվել են ճանապարհային երթևեկության անվտանգության կանոնների վերաբերյալ գիտելիքները հարստացնելու ծրագրի ներդրման հետ կապված խնդիրներ. նախատեսվում է 1-4-րդ դասարաններում համապատասխան դասընթացները կավելանան։ Այս մասին «Արմենպրես»-ը տեղեկացավ ՀՀ ոստիկանության պաշտոնական կայքից։

Հաղորդագրության մեջ նշված է. «1-ից 4-րդ դասարանի աշակերտների՝ ճանապարհային երթևեկության անվտանգության կանոնների վերաբերյալ գիտելիքները հարստացնելու նպատակով ճանապարհային ոստիկանությունը հանդես էր եկել նախաձեռնությամբ։ Մշակվել էր հանրկրթական հաստատություններում երթևեկության կանոններն ուսուցանելու նախագիծ, որը այս տարվա փետրվարի 8-ին կրթության և գիտության նախարարի հրամանով հաստատվեց։ Հերթը նախագիծը կյանքի կոչելունն է։ Այս նպատակով էլ մարտի 21-ին ճանապարհային ոստիկանությունում տեղի ունեցավ աշխատանքային խորհրդակցություն՝ ծառայության ղեկավար Եգոր Կարապետյանի գլխավորությամբ։ Մասնակցում էին ճանապարհային ոստիկանության ու կրթության և գիտության նախարարության ներկայացուցիչներ։ Ճանապարհային ոստիկանության պետը նախ ներկայացրեց 2016 և 17 թվականների վիճակագրական տվյալները, ըստ որոնց՝ 2016-ին անչափահասների մասնակցությամբ տեղի է ունեցել 158 վրաերթ, 6 երեխա զոհվել է, 156-ը ստացել տարբեր աստիճանի մարմնական վնասվածքներ, 2017-ին արձանագրվել է անչափահասների մասնակցությամբ 177 վրաերթ, 2 երեխա է զոհվել, 150-ից ավելի էլ՝ ստացել տարբեր աստիճանի մարմնական վնասվածենր։ Վերլուծությունը փաստել է, որ վրաերթերի 70 տոկոսը տեղի է ունեցել հետիոտնի մեղավորությամբ՝ անչափահասները հիմնականում ճանապարհն անցել են չթույլատրվող հատվածով։

Եգոր Կարապետյանը ներկայացրեց նաև անչափահասների մասնակցությամբ պատահարները նվազագույնի հասցնելու ուղղությամբ ճանապարհային ոստիկանության նախաձեռնած մի շարք միջոցառումներ, որոնք դրական արդյունք են տվել։ Ճանապարհային ոստիկանության պետի համոզմամբ՝ նոր նախաձեռնությունը ևս արդյունավետ է լինելու։ Կթության և գիտության նախարարության աշխատակիցները ներկայացրին երթևեկության կանոնների դասավանդման վերաբերյալ իրենց մոտեցումները։ Նախատեսվում է սկսել մայրաքաղաքի դպրոցներից։ Քննարկվեց դասավանդման ձևաչափը․ Նախապես ճանապարհային ոստիկանության ծառայողները դասընթացներ կանցկացնեն ուսուցիչների հետ, որոնք ստացած գիտելիքները կփոխանցեն աշակերտներին։ Հարկ եղած դեպքում ուսուցիչները պրակտիկ գիտելիքներ կստանան նաև ճանապարհային ոստիկանության հաշվառման-քննական բաժինների ավտոդրոմներում։ ճանապարհային ոստիկանները հենց խաչմերուկներում աշակերտներին կսովորեցնեն՝ ինչպես անվտանգ անցնել փողոցը, որ իրավիճակում ինչ անել, նաև կանցկացնեն գործնական պարապմունքներ։ Կողմերը հույս հայտնեցին, որ նախապատրաստական աշխատանքներն ու առկա խնդիրները մինչև նոր ուսումնական տարվա սկիզը կհաղթահարվեն և արդեն սեպտեմբերի 1-ից ծրագիրը կմեկնարկի»։ 




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ