Արաս Օզբիլիսը վնասվածք է ստացել. վնասվածքի լրջության աստիճանը պարզ կդառնա հետազոտությունից հետո
20:50, 21 Մարտ 2018
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի հերթական մարզման ժամանակ վնասվածք է ստացել մոլդովական «Շերիֆ» ակումբի կիսապաշտպան Արաս Օզբիլիսը: Ինչպես հաղորդում է «Արմենպրես»-ը, այս մասին հայտնում է Հայաստանի ֆուտբոլի ֆեդերացիայի մամուլի ծառայությունը:
Վնասվածքի լրջության մասին պարզ կդառնա հետազոտությունից հետո:
Հայաստանի ազգային հավաքականի մարզումներին հրավիրվել է նաև «Փյունիկ»-ի կիսապաշտպան Պետրոս Ավետիսյանը:
Բաժանորդագրվեք մեր ալիքին Telegram-ում