Հայկ Բարսեղյանը սառը զենք պահելու կասկածանքով բերման է ենթարկվել, ապա՝ ազատ արձակվել
19:26, 21 Մարտ 2018
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: SOS համացանցային հաղորդման ռեժիսոր Հայկ Բարսեղյանը սառը զենք պահելու կասկածանքով բերման է ենթարկվել, այնուհետև՝ ազատ արձակվել: Այս մասին «Արմենպրես»-ին հայտնեց ՀՀ ոստիկանության ԶԼՄ-ների հետ կապի, վերլուծության եւ լրատվության բաժնի պետ Էդգար Ջանոյանը:
«Հայկ Բարսեղյանը բերման էր ենթարկվել սառը զենք կրելու կասկածանքով: Նրա մոտ հայտնաբերվել է դանակ: Նշանակված է փորձաքննություն, դեպքի առթիվ նյութեր են նախապատրաստվում»,- ասաց Ջանոյանը:
Նա նաև հայտնեց, որ Հայկ Բարսեղյանն այս պահին ոստիկանությունում չէ, ազատ է արձակվել:
Բաժանորդագրվեք մեր ալիքին Telegram-ում