ԻՊ-ն ստանձնեց Քաբուլում կատարված ահաբեկչության պատասխանատվությունը, որը 29 մարդու կյանք Է խլել. Tolo News
15:54, 21 Մարտ 2018
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Առնվազն 29 մարդ Է զոհվել, եւս 52-ը՝ վերքեր ստացել մարտի 21-ին Քաբուլում իրականացված պայթյունի հետեւանքով: Այդ մասին, ինչպես տեղեկացնում Է «Արմենպրես»-ը, հայտնել Է Tolo News հեռուստաալիքը՝ հղում անելով հանրապետության առողջապահության նախարարությանը:
Հեռուստաալիքի տվյալներով՝ ահաբեկիչն իրեն պայթեցրել Է Քաբուլի արեւմտյան մասում, շիաների սրբավայրի մերձակայքում, որտեղ բնակիչները հավաքվել Էին՝ տոնելու Նովրուզ: Ավելի վաղ Reuters գործակալությունը հայտնել Էր պայթյունի հետեւանքով 26 զոհվածների եւ 18 տուժածների մասին: Ահաբեկչության պատասխանատվությունն ստանձնել Է «Իսլամական պետություն» ահաբեկչական խմբավորումը:
Բաժանորդագրվեք մեր ալիքին Telegram-ում