Գիտնականերն ահազանգում են IQOS էլեկտրոնային ծխախոտի վտանգավորության մասին
16:53, 20 Մարտ 2018
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Կալիֆորնիայի համալսարանի գիտնականներն ուսումնասիրություն են հրապարակել, որում տեղեկացրել են IQOS էլեկտրոնային ծխախոտի վտանգավորության մասին: Ինչպես հաղորդում է «Արմենպրես»-ը` վկայակոչելով «Life» պարբերականը,պարզվում է, որ սարքի ներսում գտնվող ֆիլտրը փոքր-ինչ հալվում է, ինչի արդյունքում արտանետում է ֆորմալդեգիդ ցիանգիդրին, ինչը շատ վտանգավոր է անգամ փոքր քանակությամբ:
Թունավորման նախանշաններն են մարսողության հետ կապված խնդիրները, գլխացավերը, տեսողական խնդիրները, վատ քունը, մաշկի կարմրությունը:
Ֆորմալդեգիդի մեծ քանակությունը հանգեցնում է մահվան: Ցիանիդը, սակայն, ավելի վտանգավոր է: Այն օգտագործում են կրծողների դեմ պայքարում:
Բաժանորդագրվեք մեր ալիքին Telegram-ում