Նիկոլայ Կարաչենցեւը շաբաթվա վերջին կմեկնի Իսրայել՝ բուժելու քաղցկեղը
15:35, 20 Մարտ 2018
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Նիկոլայ Կարաչենցեւը շաբաթվա վերջին կմեկնի Իսրայել թոքի չարորակ նորագոյացության ճառագայթաբուժման համար: Մարտի 20-ին այս մասին ՏԱՍՍ-ին հայտնել Է նրա որդին՝ Անդրեյ Կարաչենցեւը, տեղեկացնում Է «Արմենպրես»-ը:
Ավելի վաղ հաղորդվել Էր, որ 2017 թվականի հոկտեմբերին Նիկոլայ Կարաչենցեւի մոտ բժիշկները չարորակ ուռուցք են հայտնաբերել ձախ թոքում: Կես տարում դերասանը քիմիաբուժության վեց կուրս Է ընդունել:
«Մենք պատրաստվում ենք հայրիկին տանել Իսրայել ճառագայթաբուժության: Մարտի 25-ի երեկոյան մայրիկը հայրիկի եւ բուժքրոջ հետ կմեկնեն այնտեղ»,- ասել Է Անդրեյ Կարաչենցեւը: Նրա խոսքով՝ բուժընթացը կտեւի 23 օր՝ օրական կես ժամ:
Բաժանորդագրվեք մեր ալիքին Telegram-ում