Հայտնի է ԱԺ-ում ՍԴ նախագահի ընտրության քվեարկության օրը
13:28, 20 Մարտ 2018
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Խորհրդարանում Սահմանադրական դատարանի նախագահի ընտրության քվեարկությունը տեղի կունենա մարտի 21-ին, Ազգային ժողովի նիստերի դահլիճի հարևանությամբ գտնվող նախասրահում:
Ազգային ժողովում Սահմանադրական դատարանի նախագահի ընտրության հարցի քննարկման ընթացքում այս մասին հայտնեց Ազգային ժողովի հաշվիչ հանձնախմբի նախագահ Գագիկ Մելիքյանը: «Քվեարկությունը կանցկացվի ժամը 10:30-11:30-ը»,- «Արմենպրես»-ի հաղորդմամբ՝ նշեց Մելիքյանը:
ՀՀ ԱԺ նախագահ Արա Բաբլոյանը Սահմանադրական դատարանի նախագահի պաշտոնում առաջադրել է Հրայր Թովմասյանի թեկնածությունը: Խորհրդարանը ՍԴ նոր նախագահին կընտրի փակ, գաղտնի քվեարկությամբ:
Բաժանորդագրվեք մեր ալիքին Telegram-ում