Քաղաքապետարանը Մանկական երկաթուղի տանող թունելի բարեկարգման համար ներդրողներ է փնտրում
17:30, 19 Մարտ 2018
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Երեւանի քաղաքապետարանը դեպի Մանկական երկաթուղի տանող թունելի բարեկարգման համար ներդրողներ է փնտրում: «Արմենպրես»-ի հաղորդմամբ՝ Երեւանի ավագանու նիստի հարց ու պատասխանի ընթացքում պատասխանելով ավագանու «Ելք» խմբակցոււթյան անդամ Անի Սամսոնյանի հարցին՝ այս մասին ասաց քաղաքապետ Տարոն Մարգարյանը:
Նրա խոսքով` բանակցություններ տարվում են այդ ուղղությամբ եւ կդիտարկվի ամենահարմար տարբերակը: «Մարտի 31-ին շաբաթօրյակ է լինելու, եւ ես խորհուրդ կտամ մասնակցել թունելի մաքրման աշխատանքներին»,-ասաց քաղաքապետը;
Ներկայումս թունելը գտնվում է անբարեկարգ վիճակում: Տարածքը խոնավ է եւ կա փլուզման վտանգ:
Բաժանորդագրվեք մեր ալիքին Telegram-ում