Վանաձորի անտառպետության տարածքում բռնկված հրդեհը մարվել է
17:13, 19 Մարտ 2018
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Գուգարքի անտառտնտեսության Վանաձորի անտառպետության տարածքում մարտի 18-ին հրդեհ է բռնկվել: «Արմենպրես»-ի հետ զրույցում «Հայանտառ» ՊՈԱԿ-ի տնօրենի մամուլի խոսնակ Լուսինե Հակոբյանը նշեց, որ փրկարարների, ոստիկանության ծառայողների և անտառտնտեսության աշխատակիցների համատեղ ջանքերով հաջողվել է հրդեհը մարել:
«Այդ տարածքներում բավականին շատ են լայնատերև երիտասարդ ծառերը, սակայն,բարեբախտաբար, դրանց վնաս չի հասցվել: Նախնական տվյալներով` այրվել են միայն մացառները և խոտածածկ տարածքը»,- ասաց Հակոբյանը:
ՀՀ ԱԻՆ լրատվական ծառայությունից հայտնեցին, որ այրվել է 25 հեկտար խոտածածք տարածք:
Բաժանորդագրվեք մեր ալիքին Telegram-ում