Պուտինը հրաժարվել Է «մինչեւ հարյուր տարեկան նստել» իշխանության ղեկին
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: ՌԴ-ի նախագահ Վլադիմիր Պուտինը հայտարարել Է, որ առայժմ որեւիցե սահմանադրական բարենորոգում չի պլանավորում: Այդ մասին, ինչպես տեղեկացնում Է «Արմենպրես»-ը, հայտնել Է «Ինտերֆաքս»-ը:
«Ես առայժմ ոչ մի կարգի սահմանադրական բարենորոգումներ չեմ պլանավորում»,- հայտարարել Է Պուտինը լրագրողներին՝ պատասխանելով այն հարցին, թե ծրագրում Է արդյոք որեւիցե սահմանադրական բարենորոգում իրականացնել, որը կապված լինի իշխանության ճյուղերի միջեւ լիազորությունների վերաբաշխման հետ:
Վլադիմիր Պուտինը ծիծաղելի Է համարել այն հարցը, թե ինքը հնարավոր Է համարում ադյոք 2030 թվականին այդ պաշտոնում վերընտրվելը: «Լսե՛ք, ինձ թվում Է այն, ինչ դուք ասում եք, փոքր-ինչ ծիծաղելի Է: Եկեք հաշվենք, ես ինչ Է, մինչեւ հարյուր տարեկան այստեղ պետք Է նստե՞մ: Ո՛չ»,- ասել Է Պուտինը՝ պատասխանելով համապատասխան հարցին:
Բաժանորդագրվեք մեր ալիքին Telegram-ում