Ժամանակը Երևանում՝ 11:07:36,   22 Հուլիս

Նադեժդա Սարգսյանը պատմել է իր 1-ամյա թոռնիկի ծննդյան խնջույքի մասին


ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Երգչուհի Էմմին ԱՄՆ-ում մարտի 16-ին նշել է որդու՝ Մարտինի 1-ամյակը: «Արմենպրես լայֆ»-ի հետ զրույցում ՀՀ մշակույթի վաստակավոր գործիչ Նադեժդա Սարգսյանը հայտնել է, որ Էմմին փոքր խնջույք էր կազմակերպել մտերիմների շրջանում:

«Մարտինի ծննդյան խնջույքին ներկա էին մի շարք փոքրիկ երեխաներ իրենց մայրերի հետ: Իսկական մանկական ծնունդ էր:  Շատ կցանկանայի այդ պահին  նրանց կողքին լինել, բայց այստեղից հետեւել եմ խնջույքին ու տորթով, մոմերով շնորհավորել»,- ասաց արտիստը:

Նադեժդա Սարգսյանը խոստովանեց, որ տխուր է, երբ իր թոռներից հեռու է: «Փառք Աստծո, որ այսօր տեխնոլոգիաներն այնքան են զարգացել, որ ամեն պահի կարող ենք կապի մեջ  լինել և տեսնել նրանց: Չնայած՝ չեմ կարող գրկել ու համբուրել»,- հավելեց նա՝ շնորհավորելով իր թոռնիկին. «Թոռնիկիս մաղթում եմ առողջություն, երջանկություն: Միշտ այդպես ժպտերես լինի ու իր տատիկներին եւ պապիկներին ուրախություն պատճառի»:

Մելինե Տոնոյան




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ