Ամենայն Հայոց կաթողիկոսը պարգևատրվել է Ուկրանիայի հայերի միության «Գրիգոր Լուսավորիչ» շքանշանով
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Ամենայն Հայոց կաթողիկոս Գարեգին Երկրորդը, ով պատրիարքային այցով գտնվում է Ուկրաինայում, պարգևատրվել է Ուկրաինայի հայերի միության «Գրիգոր Լուսավորիչ» շքանշանով: Ինչպես հաղորդում է «Արմենպրես»-ը, այս մասին հայտնում է analitikaua.net-ը:
Ամենայն Հայոց կաթողիկոսի պարգևատրման հանդիսավոր արարողությունը տեղի է ունեցել մարտի 16-ին Ուկրաինայի հայերի միության կոնֆերանսի ընթացքում, որն անցկացվել է Կիևում: Ուկրանիայի հայերի միության «Գրիգոր Լուսավորիչ» շքանշանն Ամենայն Հայոց կաթողիկոս Գարեգին Երկրորդին հանձնել է Ուկրաինայի հայերի միության նախագահ Վիլեն Շատվորյանը:
Վիլեն Շատվորյանը նաև Ուկրաինայի հայերի միության «Սփյուռքի ակտիվ գործիչ» շքանշանով պարգևատրել է Կիևի միջազգային համալսարանի հիմնադիր և նախագահ Խաչատուր Խաչատուրյանին, ինչպես նաև WBA վարկածով բռնցքամարևտի աշխարհի չեմպիոն Արտյոմ Դալաքյանին:
Բաժանորդագրվեք մեր ալիքին Telegram-ում