1000х90.jpg (78 KB)

Երևանում՝ 11:07,   29 Մարտ 2024

Ես ձեր թշնամին չեմ, դուք իմ թշնամին չեք. արցախցի երեխաների պատասխանն իրենց ադրբեջանցի հասակակիցներին

Ես ձեր թշնամին չեմ, դուք իմ թշնամին չեք. արցախցի երեխաների պատասխանն իրենց 
ադրբեջանցի հասակակիցներին

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Արցախի մարդու իրավունքների պաշտպանի գրասենյակն ուշագրավ տեսանյութ է պատրաստել, որով պատասխանել է օրերս սոցիալական ցանցերում  տարածված տեսանյութին, որում ակնհայտ երևում էր, թե ինչպես են ադրբեջանական դպրոցներից մեկում երեխաներին հայերի նկատմամբ ատելություն քարոզում և սովորեցնում, որ հայերը իրենց թշնամիներն են:

Ինչպես հաղորդում է «Արմենպրես»-ը, Արցախի մարդու իրավունքների պաշտպանի գրասենյակի պատրաստած տեսանյութը ի ցույց է դնում, թե ինչպիսին է իրավիճակը  շփման գծի հակառակ կողմում:

Տեսանյութում արցախցի մանուկներին տալիս են նույն հարցը` «ովքե՞ր են ձեր թշնամիները», որին երեխաները տալիս են անմեղ պատասխաններ` մուլտֆիլմերի հերոսների անուններ: Երեխաներից մեկը իրեն թշնամի է համարում «Սարդ մարդուն», մյուսը՝ վիշապին, իսկ մանուկներից  մեկին դուր չի գալիս Մաշան, ով անընդհատ տանջում է արջուկին՝ «Մաշան և արջուկը» մուլտսերիալից: Մի խումբ երեխաներ էլ պատասխանում են, որ ընդհանրապես թշնամիներ չունեն:

Տեսանյութում Արցախի ՄԻՊ-ը ուշադրություն է սևեռել նաև ապրիլյան պատերազմի ժամանակ ադրբեջանական զինուժի վայրագություններին` մտահոգություն հնչեցնելով, որ Ադրբեջանի կողմից քարոզչական գործիք դարձած այդ երեխաներն իրենց մոտ առկա ատելությունն ինչպե՞ս պիտի վերացնեն:

Տեսանյութի վերջում արցախցի մանուկները դիմում են Ադրբեջանի իրենց հասակակիցներին հետևյալ խոսքերով՝ «դուք իմ թշնամին չեք», «ես ձեր թշնամին չեմ»: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]