Սեուլը եւ Փհենյանը նախապատրաստում են միջկորեական գագաթնաժողովը
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Կորեայի Հանրապետությունը եւ ԿԺԴՀ-ն նախապատրաստում են միջկորեական գագաթնաժողովը, որը պլանավորված Է ապրիլի վերջին: Այդ մասին, ինչպես տեղեկացնում Է «Արմենպրես»-ը, մարտի 14-ին Սեուլում լրագրողների համար կազմակերպված հերթական բրիֆինգում հայտարարել Է միավորման նախարարության ներկայացուցիչ Պեկ Տհե Հյոնը:
«Կողմերը շփումներ են իրականացնում միջկորեական գագաթնաժողովի նախապատրաստման շուրջ: Սակայն այդ աշխատանքի ակտիվ փուլը կսկսվի այն բանից հետո, երբ այս շաբաթ վերջնականապես կձեւավորվի համապատասխան կոմիտեն»,- ընդգծել Է պաշտոնյան:
Այդ մարմնի նախագահ Է արդեն նշանակված Հարավային Կորեայի նախագահի վարչակազմի ղեկավար Իմ Չժոն Սոկը, իսկ առաջին նիստը ծրագրված Է մարտի 16-ին: Կորեայի Հանրապետության նախագահ Մուն Չժե Ինը մարտի 13-ին իր ավագ խորհրդականների ու օգնականների հետ կայացած հանդիպմանը հայտարարել Է, որ առաջիկա երկու ամսում Կորեական թերակղզում տեղի կունենան պատմական փոփոխություններ, որոնք կապված կլինեն առաջիկա միջկորեական եւ ամերիկա-հյուսիսկորեական գագաթնաժողովների հետ:
«Կորական թերակղզում պայմաններ են ստեղծվել միջուկազերծման եւ խաղաղության հաստատման համար: Եթե գագաթնաժողովները հաջողությամբ պսակվեն, դա մեծ փոփոխություններ կբերի ամբողջ աշխարհի համար»,- ընդգծել Է նախագահը:
Մուն Չժե Ինը հորդորել Է բոլոր կողմերին՝ օգտվել այդ պատմական հնարավորությունից: Ընդսմին նա նախազգուշացրել Է չափազանց լավատեսությունից, քանի որ, նրա խոսքով՝ ավելի վաղ ոչ մեկի չի հաջողվել հասնել Կորեական թերակղզու իրադրության արմատական փոփոխման, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում