ՏՏ ոլորտի իրանական ընկերությունները մտադիր են մուտք գործել հայկական շուկա
15:35, 10 Մարտ 2018
ԵՐԵՎԱՆ, 10 ՄԱՐՏԻ, ԱՐՄԵՆՊՐԵՍ: Երևանյան էքսպո կենտրոնում հունիսի 22-24-ն իրանական տեղեկատվական տեխնոլոգիաների և թվային մեդիա ոլորտի ընկերությունները կներկայացնեն իրենց գործունեությունը: Ինչպես փոխանցում է «Արմենպրես»-ը, վկայակոչելով financialtribune.com-ը, ցուցահանդեսի նպատակն է իրանական ընկերությունների կողմից մատուցվող ծառայությունների ընդլայնումն ու այդպիսով հայկական շուկա մուտք գործելը:
Ցուցահանդեսին մասնակից ընկերությունները գործունեություն են ծավալում տվյալների բազաների ստեղծման, բջջային և համակարգչային ծրագրերի, համակարգչային խաղերի մշակման ոլորտներում և այլն:
Ցուցահանդեսին կմասնակցեն նաև իրանական մի շարք ստարտափեր:
Բաժանորդագրվեք մեր ալիքին Telegram-ում