Ժամանակը Երևանում՝ 11:07:36,   20 Սեպտեմբեր

Բելգիայում միլիարդավոր եվրո Է անհետացել Քադաֆիի ռեժիմի սառեցված հաշիվներից


ԵՐԵՎԱՆ, 8 ՄԱՐՏԻ, ԱՐՄԵՆՊՐԵՍ: Բելգիայում Euroclear Bank-ի հաշիվներից 2013-2017 թվականներին ավելի քան 10 միլիարդ եվրո Է անհետացել 2011 թվականին ՄԱԿ-ի որոշմամբ սառեցված լիբիական ակտիվներից: Այդ մասին, ինչպես տեղեկացնում Է «Արմենպրես»-ը, մարտի 8-ին հայտնել Է Le Vif պարբերականը:

Ինչպես պարզաբանվում Է հրապարակման մեջ, այդ միջոցները վերահսկվում Էին Լիբիայի տապալված առաջնորդ Մուամար Քադաֆիի մերձավոր շրջապատի կողմից:

2013 թվականի նոյեմբերի 29-ի տվյալներով՝ 16,1 մլրդ եվրո գտնվում Էր չորս հաշիվներում, որոնք բացվել Էին Libyan Investment Authority-ի եւ Libyan Foreign Investment Company-ի համար:

Բելգիայի իշխանություններն այդ միջոցների զգալի մասի անհետացումը հայտնաբերել են 2017 թվականի աշնանը, երբ փողերի լվացման գործով հետաքննությունը մտադրվել Էր կալանք դնել 16 մլրդ եվրոյի վրա: Պարզվել Է, որ չորս հաշիվներում մնացել Է 5 միլիարդ եվրոյից փոքր-ինչ ավելի, հաղորդել Է «Ինտերֆաքս» գործակալությունը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ