Ժամանակը Երևանում՝ 11:07:36,   14 Դեկտեմբեր

Հայաստանը Կաննի կինոշուկայում հետաքրքիր ծրագրով կներկայանա


ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Կաննի կինոփառատոնի շրջանակում կայանալիք կինոշուկայում այս տարի Հայաստանը հագեցած և հարուստ ծրագրով կմասնակցի: Այս մասին մարտի 6-ին լրագրողների հետ հանդիպմանն ասաց ՀՀ մշակույթի նախարար Արմեն Ամիրյանը:

«Կինոշուկայում ներկայացնելու ենք Հայաստանը որպես ֆիլմարտադրության համար լավագույն վայր: Ցուցադրելու ենք մեր գեղեցիկ տարածքները, ֆիլմարտադրության համար ստեղծված լայն հնարավորությունները»,-«Արմենպրես»-ի հաղորդմամբ` նշեց նախարարը:

Նա ընդգծեց, որ անցյալ տարի Կաննի կինոշուկային մասնակցելով՝ Հայաստանի նպատակն էր տարբեր գործարար կապեր գտնելը: Նախարարը այդ առումով բավականին դրական գնահատեց Հայաստանի մասնակցությունը:

2017 թվականի մայիսի 17-28-ը Կաննի 70-րդ կինոփառատոնի շրջանակում կայանալիք կինոշուկայում ներկայացվել էր 12 կինոնախագիծ: Ժյուրիի որոշմամբ հաղթող էին ճանաչվել հետևյալ նախագծերը.

1.Բարս մեդիա, «Արշալույսի լուսաբացը»,
2.Սերգո Ուստյան, «Փոխանակում»,
3.Արթուր Սուքիասյան, «Վիրավոր քաղաքը»:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ