Ժամանակը Երևանում՝ 11:07:36,   20 Սեպտեմբեր

Սեւան քաղաքի ֆուտբոլի մարզադաշտը կշահագործվի այս տարվա հունիսին


ԳԱՎԱՌ, 6 մարտի, ԱՐՄԵՆՊՐԵՍ: Սեւան համայնքի ղեկավար Սարգիս Մուրադյանի հավաստմամբ՝ քաղաքային զբոսայգու հարեւանությամբ կառուցվող ֆուտբոլի մարզադաշտի շինարարական աշխատանքները, որոնք դադարեցված էին երկու տարի առաջ, կշարունակվեն եւ ավարտին կհասցվեն այս տարվա հունիսին:

Ինչպես «Արմենպրես»-ին տեղեկացրեց Սեւանի քաղաքապետ Սարգիս Մուրադյանը,վերջերս Հայաստանի ֆուտբոլի ֆեդերացիայի նախագահ Ռուբեն Հայրապետյանի այցը Սեւան պայմանավորված է եղել հենց այս հանգամանքով: Տեղում պայմանավորվածություն է ձեռք բերվել մինչեւ հունիս ամսվա վերջը շահագործման հանձնել ֆուտբոլի մարզադաշտը: Շինարարական աշխատանքները ներառելու են ոչ միայն նախագծային փաստաթղթերով հաստատված ուղղությունները, այլ նաեւ ավելացվելու են տրիբունաներ, սանհանգույց, կատարվելու է պարսպապատում, վերանորոգվելու են զբոսայգի տանող կամարը, ճանապարհը: Մարզադաշտում առկա շինությունների հոսանքի հարցը եւս կստանա ժամանակակից լուծում. այն լինելու է արեւային էներգիայով:

Ըստ նախնական պայմանավորվածության՝ տեղում պետք է աշխատեն որակյալ մասնագետներ, հիշյալ կառույցը պետք է գտնվի ամենօրյա ուշադրության կենտրոնում. համայնքն ունի պարտավորություն ֆուտբոլի մարզադաշտի բնականոն շահագործման ապահովման հարցում»,-ընդգծեց Սարգիս Մուրադյանը:

Խոսրով Խլղաթյան




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ