ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Վրաստանի նախկին նախագահ Միխեիլ Սահակաշվիլին Ամստերդամից դիմել Է «Միասնական ազգային շարժում»-ից (ՄԱՇ) իր վրացի կուսակիցներին եւ նրանց կոչ Է արել մյուս կուսակցությունների հետ բանակցություններ սկսել հոկտեմբերին կայանալիք նախագահական ընտրություններում ընդդիմությունից միասնական թեկնածու առաջադրելու համար, տեղեկացնում Է «Արմենպրես»-ը:

«Մենք պետք Է իշխանության վերադառնանք արդեն 2018 թվականին: Ինչպե՞ս ենք դա անելու: Մենք պետք Է շահենք նախագահական ընտրությունները եւ այդ ֆոնին տապալենք Իվանիշվիլիի (Բիձինա Իվանիշվիլի, նախկին վարչապետ, միլիարդատեր, որին ընդդիմությունը համարում Է Վրաստանի իրական ղեկավարը) կառավարումը, կործանենք նրա ֆեոդալական արքունիքը»,- հայտարարել Է Սահակաշվիլին ՄԱՇ-ի անդամներին հղած տեսաուղերձում, որը տարածել են վրացական ԶԼՄ-ները:

ՄԱՇ-ի առաջնորդներից մեկը՝ Նիկա Մելիան, մարտի 5-ին լրագրողներին հայտարարել Է, որ ընդդիմադիր մյուս կուսակցությունների հետ կոնսուլտացիաներն արդեն ընթանում են, բայց չի ճշտել, թե հատկապես որ կուսակցությունների հետ, հաղորդել Է «Ինտերֆաքս»-ը: