1000х90.jpg (78 KB)

Երևանում՝ 11:07,   29 Մարտ 2024

Կապանի մանկապարտեզներում փորձարկվել է աղետների ռիսկի կառավարման օրինակելի պլանը

Կապանի մանկապարտեզներում փորձարկվել է աղետների ռիսկի կառավարման 
օրինակելի պլանը

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: «Աղետների ռիսկի նվազեցման ազգային պլատֆորմի կարողությունների զարգացում» ծրագրի շրջանակում՝ ԱՌՆԱՊ հիմնադրամի և ՄԱԿ-ի զարգացման ծրագրի աջակցությամբ, ՀՀ ԱԻ նախարարությունը փետրվարի 26-ից մարտի 3-ը փորձարկել է Նախադպրոցական ուսումնական հաստատությունների աղետների ռիսկի կառավարման օրինակելի պլանի նախագիծը: Այս մասին «Արմենպրես»-ին տեղեկացրին ՀՀ արտակարգ իրավիճակների նախարարությունից: 

Ծրագիրը ֆինանսավորում է Եվրոպական հանձնաժողովի քաղաքացիական պաշտպանության և մարդասիրական օգնության գործառույթների գլխավոր վարչությունը, իսկ պլանի օրինակելի նախագիծը մշակվել է «Սեյվ դը չիլդրեն ինթերնեշել» կազմակերպության հայաստանյան ներկայացուցչության աջակցությամբ: 

Աղետների ռիսկի կառավարման պլանն ուղղված է նախադպրոցական ուսումնական հաստատության և շրջակա տարածքին սպառնացող աղետների ռիսկի նվազեցմանը, արտակարգ իրավիճակներում արագ և արդյունավետ արձագանքմանը և մանկապարտեզներում ուսումնական գործընթացի անընդհատության ու շարունակականության ապահովմանը: 

Պլանի փորձարկումն իրականացվել է ՀՀ Սյունիքի մարզում՝ Կապան քաղաքի թիվ 1, 4 և 9 մանկապարտեզներում՝ վարժանքի և տարհանման միջոցով: Դրան զուգընթաց մշակվել են վերոնշյալ նախադպրոցական ուսումնական հաստատությունների տարհանման պլանները, որոնք տարհանման պայմանական նշանների հետ փակցվել են նշված մանկապարտեզների շենքերի ներսում: Կրթօջախներին տրամադրվել են նաև աղետների ռիսկի կառավարման վերաբերյալ ուսումնական նյութեր: 

Միջոցառումը հնարավորություն ընձեռեց բացահայտել նախագծի թույլ և ուժեղ կողմերը, ինչպես նաև՝ պլանի կիրառելիության հնարավորությունը նախադպրոցական ուսումնական հաստատություններում: 

Աղետների ռիսկի կառավարման օրինակելի պլանի նախագծի փորձարկման ժամանակ հայտնաբերված թերությունների և մանկապարտեզներների կողմից ներկայացված առաջարկությունների հիման վրա նախագիծը կլրամշակվի և հաստատվելուց հետո կներկայացվի կրթօջախներին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]