Նիկոլ Փաշինյանը Ազատության հրապարակում կհանդիպի քաղաքացիական հասարակության ներկայացուցիչների հետ
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Ազգային ժողովի «Ելք» խմբակցության ղեկավար Նիկոլ Փաշինյանն Ազատության հրապարակում կհանդիպի քաղաքացիական հասարակության ներկայացուցիչների հետ: Ինչպես հաղորդում է «Արմենպրես»-ը, խորհրդարանական ճեպազրույցների շրջանակներում լրագրողների հետ հանդիպմանը Նիկոլ Փաշինյանը վերահաստատեց քաղաքացիական հասարակության ներկայացուցիչների հետ հանդիպելու ցանկությունը: «Ես այսօր ժամը 18:30-ին Ազատության հրապարակում կհանդիպեմ քաղաքացիական հասարակության ներկայացուցիչների հետ»,- ընդգծեց Փաշինյանը:
Հարցին, թե ի՞նչ գործընթացների շրջանակներում է տեղի ունենալու այդ հանդիպումը, Նիկոլ Փաշինյանը պատասխանեց. «Քաղաքացիական հասարակության ներկայացուցիչներից մեկը հրապարակային ինձ առաջարկել է հանդիպում կազմակերպել: Ես այդ առաջարկն ընդունել եմ և կարծում եմ, որ որևէ արտառոց բան չկա նրանում, որ մենք նման հանդիպումներ կազմակերպենք»,- ասաց Փաշինյանը՝ հավելելով, որ Ազատության հրապարակում հանդիպելը եղել է իր առաջարկը:
Բաժանորդագրվեք մեր ալիքին Telegram-ում