ՌԴ-ի, Թուրքիայի եւ Իրանի ԱԳ նախարարները մարտի 16-ին հանդիպում կանցկացնեն Աստանայում
17:30, 2 Մարտ 2018
ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Ռուսաստանի, Թուրքիայի եւ Իրանի արտաքին գործերի նախարարների՝ Սիրիային նվիրված հանդիպումը Աստանայում կկայանա մարտի 16-ին: Այդ մասին, ինչպես տեղեկացնում Է «Արմենպրես»-ը, մարտի 2-ին լրագրողներին հայտնել Է Ղազախստանում Ռուսաստանի գործերի ժամանակավոր հավատարմատար Ալեքսանդր Մուսիենկոն:
«ԱԳ նախարարների հանդիպումը կկայանա մարտի 16-ին: Ղազախստանի արտաքին գործերի նախարար Կայրաթ Աբդռահմանովն Է ասել այդ մասին»,- նշել Է Մուսիենկոն: Նրա խոսքով՝ Ղազախստանի ԱԳ նախարարը պատմել Է, որ Ղազախստանի մայրաքաղաքում սպասվում Է Աստանայի գործընթացի երաշխավոր երկրների երեք նախարարների հանդիպումը, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում