ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Սպիտակ տան ավելի քան 30 աշխատակիցներ զրկվել են հույժ գաղտնի տեղեկություններ մուտք գործելու հնարավորությունից: Ինչպես տեղեկացնում Է «Արմենպրես»-ը, փետրվարի 28-ին այս մասին հաղորդել Է Bloomberg գործակալությունը: Գործակալության աղբյուրների տեղեկատվությամբ՝ ԱՄՆ-ի նախագահ Դոնալդ Թրամփի նստավայրի ավելի քան երեք տասնյակ աշխատակիցների համար պետական գաղտնիք կազմող տեղեկատվություն մուտք գործելու հնարավորության մակարդակը «հույժ գաղտնիից» իջեցրել են մինչեւ «գաղտնի»:

Դա նրանց համար փակում Է որոշ առանձնապես պահպանվող տեղեկատվություն կանանվոր մուտք գործելու հնարավորությունը: Ինչպես նշվում Է, հիշյալ աշխատակիցներից ոչ մեկին չեն խնդրել պաշտոնաթող լինել: Նրանք շարունակում են աշխատել Սպիտակ տանը, սակայն այժմ պատասխանատու են այն աշխատանքի համար, որը համապատասխանում Է մուտք գործելու իրենց մակարդակին: Այն աշխատակիցների, որոնց համար իջեցրել են մուտք գործելու մակարդակը, թվում Է նախագահի խորհրդական եւ նրա փեսա Ջարեդ Քուշները, հաղորդել Է ՏԱՍՍ-ը: