ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: ԱՄՆ-ի Սպիտակ տան հաղորդակցումների տնօրեն Հոուփ Հիքսը պաշտոնաթող Է լինում սեփական ցանկությամբ, հաղորդել Է նախագահի մամուլի ծառայությունը: Ինչպես տեղեկացնում Է «Արմենպրես»-ը, նախագահ Դոնալդ Թրամփը շնորհակալություն Է հայտնել նրան աշխատանքի համար եւ ափսոսանք Է հայտնել նրա կողմից ընդունված որոշման առնչությամբ:

Սպիտակ տան մամուլի քարտուղար Սառա Սանդերսը չի հայտնել Հիքսի հեռանալու ստույգ ժամկետի, ինչպես նաեւ այն մասին, թե նա ինչով Է մտադիր զբաղվել նախագահի աշխատակազմից հեռանալուց հետո: Սակայն զանգվածային լրատվամիջոցներում հայտնվել են հաղորդումներ, որ Հիքսը պլանավորում Է զբաղվել մասնավոր գործարարությամբ: Հիքսն սկսել Է Թրամփի հետ համագործակցել 2016 թվականին՝ նրա նախընտրական շտաբում լինելով հասարակայնության հետ կապերի պատասխանատու: Հաղորդակցումների տնօրենի պաշտոնը նա զբաղեցրել Է 2017 թվականի սեպտեմբերին, հաղորդել Է «Ինտերֆաքսը»: