Սուրեն Կարայանը Սիրիայի դեսպանի հետ քննարկել է արտահանման հեռանկարները
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: ՀՀ տնտեսական զարգացման և ներդրումների նախարար Սուրեն Կարայանն ընդունել է Հայաստանում Սիրիայի Արաբական Հանրապետության արտակարգ և լիազոր դեսպան Մուհամմադ Ահմադ Հաջ Իբրահիմին:
Ինչպես «Արմենպրես»-ին տեղեկացրին ՀՀ տնտեսական զարգացման և ներդրումների նախարարության տեղեկատվության և հասարակայնության հետ կապերի բաժնից, նախարարը դեսպանի հետ քննարկել է նախորդ տարվա վերջին իր ղեկավարած պատվիրակության այցի արդյունքները։ Սուրեն Կարայանը նշել է, որ ձեռք են բերվել մի շարք առարակայական պայմանավորվածություններ, որոնք կխթանեն թե՛ հայ-սիրական տնտեսական կապերը, և թե՛ ներդրում կունենան Սիրիայի վերակառուցման գործընթացում։
Տնտեսական զարգացման և ներդրումների նախարարը և Սիրիայի դեսպանը քննարկել են Հայաստանում և Սիրիայում հայկական արտադրանքի ցուցահանդեսների անցկացման հնարավորությունները։
Հանդիպման ընթացքում քննարկվել են նաև Սիրիայում չարտադրվող արտադրատեսակների համալրման նպատակով հայկական ապրանքների արտահանման հեռանկարները։
Բաժանորդագրվեք մեր ալիքին Telegram-ում