Պրահայի դատարանն ազատ արձակեց սիրիացի քրդերի առաջնորդ Սալեհ Մուսլիմին
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Պրահայի քաղաքային դատարանը փետրվարի 27-ին ազատ Է արձակել Թուրքիայի պահանջով փետրվարի լույս 25-ի գիշերը Չեխիայի մայրաքաղաքում ձերբակալված՝ քրդական «Դեմոկրատական միություն» կուսակցության նախկին համանախագահ Սալեհ Մուսլիմին: Այս մասին լրագրողներին հայտնել Է սիրիացի քաղաքական գործչի փաստաբան Միրոսլավ Կրուտինան, տեղեկացնում Է «Արմենպրես»-ը:
«Դատարանը հիմքեր չգտավ Սալեհ Մուսլիմին նախնական կալանքի վերցնելու համար: Նա ազատ Է արձակվել»,- ասել Է իրավաբանը:
Դատարանի վճիռը ողջունել են քրդերը, որոնք շենքի առջեւ պահանջում Էին իրենց առաջնորդի ազատումը:
Սալեհ Մուսլիմը ձերբակալվել Էր փետրվարի լույս 25-ի գիշերը: Պրահայում, ուր նա ժամանել Էր Բրյուսելից, քաղաքական գործիչը մասնակցում Էր Մերձավոր Արեւելքին նվիրված միջազգային խորհրդաժողովին:
«Դեմոկրատական միությունն» առաջատար քրդական քաղաքական կուսակցությունն Է Սիրիայի հյուսիսային մասում: Անկարան այն համարում Է Քրդստանի աշխատավորական կուսակցության ճյուղավորումը, որն ահաբեկչական կազմակերպություն Է ճանաչված Թուրքիայում եւ Եվրամիությունում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում