Արթուր Ալեքսանյանը հաղթել է Կիևի միջազգային մրցաշարում
09:07, 25 Փետրվար 2018
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Հունահռոմեական ոճի ըմբիշ, Օլիմպիական խաղերի, աշխարհի և Եվրոպայի չեմպիոն Արթուր Ալեքսանյանը հաղթել է Կիևի միջազգային մրցաշարում:
«Արմենպրես»-ի հաղորդմամբ՝ այս մասին հայտնում է ըմբշամարտի ֆեդերացիան: Կիևում ընթացող ըմբշամարտի միջազգային մրցաշարի 97 կգ քաշային կարգի եզրափակչում Օլիմպիական չեմպիոն Արթուր Ալեքսանյանը հանդիպել էր ուկրաինացի Դմիտրի Տիմչենկոյի հետ: Աշխարհի և Եվրոպայի բազմակի չեմպիոնը 3:0 հաշվով հաղթեց ուկրաինացուն:
63 կգ քաշային Սլավիկ Գալստյանը գետնեց (տուշե) ուկրաինայի ներկայացուցչին և դարձավ բրոնզե մեդալակիր։ Նորայր Հախոյանը 1։4 հաշվով զիջեց իրանցի մրցակցին: Էդուարդ Սարգսյանը (82 կգ) հավասար պայքարում 3։3 հաշվով զիջեց ադրբեջանցի Էլվին Մուրսալիևին։
Բաժանորդագրվեք մեր ալիքին Telegram-ում