ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Հայաստանի չեմպիոն Երևանի «Ալաշկերտ»-ը ոչ ոքիով է ավարտել Թուրքիայի Բելեկ քաղաքում ընթացող ուսումնամարզական հավաքի ծրագրով ստուգողական հանդիպումները: Ինչպես փոխանցում է «Արմենպրես»-ը, Աբրահամ Խաշմանյանի գլխավորած թիմի վերջին մրցակիցը Ղազախստանի Բարձրագույն խմբի առաջնության ներկայացուցիչ «Ատիրաու» թիմն էր: Գրանցվել է 0:0 հաշիվ:

15-րդ րոպեին մրցակցի դարպասը գրավել է «Ալաշկերտ»-ի սերբ պաշտպան Մլադեն Զելկովիչը, սակայն մրցավարը գրանցել է խաղից դուրս վիճակ:

Բելեկում «Ալաշկերտ»-ը հաղթել է դանիական «Նաեսբի Բոլդկլուբին» (2:1) և ուկրաինական «Հելիոս»-ին, պարտվեց ռուսական «Ամկար»-ին» (0:2), «Կուբան»-ին (0:1) և «Օլիմպիեց»-ին (0:2):