Ժամանակը Երևանում՝ 11:07:36,   18 Դեկտեմբեր

Ուկրաինայում մասնագետները հետազոտում են նշանավոր հայ գործիչների կենսագրությունները


ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ուկրաինայում իրականացվում է նշանավոր հայ գործիչների կենսագրական ուսումնասիրություն: Ինչպես փոխանցում է «Արմենպրես»-ը, վկայակոչելով AnalitikaUA-ն, մասնավորապես, ուսումնասիրվում են հայ համայնքի այն ներկայացուցիչների կենսագրությունները, որոնց գործունեությունը կապված է Ուկրաինայի հետ՝ սկսած Կիևյան Ռուսիայի ժամակներից մինչ օրս, որոնք ունեն մեծ ներդրում տարբեր ոլորտներում: Նախագծի հեղինակ պատմաբան, Ուկրաինայի հայերի միության ներկայացուցիչ Ռուբեն Մակարյանը նշել է, որ «Ուկրաինայի հայտնի հայերը» պայմանական անվանմամբ նախագիծը գիտահետազոտական աշխատանք է:

«Դրանք հայեր են, որոնք իրենց երկրորդ հայրենիքը փոխել են լավագույն կողմերով՝ դառնալով օրինակ իրենց գալիք սերունդների համար: Ավելի քան 10 տարի զբաղվում եմ այս ոլորտի հետազոտական աշխատանքներով: Հավաքվել են ավելի քան 1400 հայտնի հայերի կենսագրություններ՝ ըստ որոշ չափանիշների. պետական, քաղաքական, հասարակական, մշակութային, հոգևոր, սպորտային և այլ գործիչներ՝ կապված Ուկրաինայի հետ»,- ընդգծել է Մակարյանը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ