ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հրազենի տերերը սեփական հրացանների եւ ինքնաձիգների ոչնչացման նոր ֆլեշմոբ են գործարկել: Այս մասին, ինչպես տեղեկացնում Է «Արմենպրես»-ը, հայտնել Է The Daily Dot-ը: Դրա համար առիթ Է ծառայել Ֆլորիդայի դպրոցում տեղի ունեցած հրաձգությունը, որտեղ նախկին աշակերտը գնդակահարեց մի քանի տասնյակ մարդու: Ֆլեշմոբը գործարկել Է Սքոթ Փափալարդոն:

Facebook-ում հրապարակված վեցրոպեանոց տեսահոլովակում նա «բոլգարկայով» սղոցել Է AR-15 կիսաավտոմատ հրացանը. նույնպիսի զենք Է ունեցել նաեւ Նիկոլաս Քրուզը, որին կասկածում են 17 մարդու սպանության մեջ: «Ես ձգտում եմ համոզվել, որ այս զենքը երբեք չի կարողանա կյանք խլել:

Այս զենքի փողը չի ուղղվի որեւիցե մեկի վրա: Մի՞թե այս զենքն ունենալու իրավունքն ավելի կարեւոր Է, քան որեւԷ մեկի կյանքը»,- նշել Է Փափալարդոն: Մի քանի օրում #OneLess (մեկով պակաս) հեշթեգով տեսահոլովակը դիտել են ավելի քան 20 միլիոն անգամ: Զենք ունեցող այլ անձինք հավանություն են տվել Փափալարդոյի ֆլեշմոբին եւ զետեղել են զենքի ոչնչացման նման տեսահոլովակներ: