Բասկետբոլի Հայաստանի հավաքականը սկսում է հավաքը
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Բասկետբոլի Հայաստանի տղամարդկանց հավաքականը սկսում է նախապատրաստվել Ալբանիայի դեմ խաղին:
«Արմենպրես»-ի հաղորդմամբ` Հայաստանի ազգային հավաքականը, Նիկշա Բավցևիչի գլխավորությամբ սկսել է նախապատրաստվել փետրվարի 25-ին կայանալիք Եվրոպայի առաջնության նախընտրական փուլի Հայաստան-Ալբանիա հանդիպմանը:
Ազգային թիմը հանգրվանել է Դավթաշենում գտնվող Օլիմպավանում:
Գլխավոր մարզիչ Նիկշա Բավցևիչը փետրվարի 6-ին հրապարակել էր ընդլայնված կազմը, իսկ ներկայումս ազգային թիմի ճամբարում են հետևյալ 13 խաղացողները.
1. Ամիրան Ամիրխանով – առանց ակումբ
2. Լուկաս Ֆիշեր - «Գրան Կանարիա», Իսպանիա
3. Անդրանիկ Չրաբաշ- «Օկապի Աալսթար», Բելգիա
4.Ալլին Հեսս - «Բազել Ստարվինգս» Շվեցարիա
5. Անդրեյ Կոնստանտինով - «Բարս», Ռուսաստան
6. Արարատ Քոչինյան - «Ուրարտու»
7. Ալբերտ Թադևոսյան – ՄԳՈՒ, Ռուսաստան
8. Էդգար Բաբայան - «Ուրարտու»
9. Գեորգի Պոդկոլզին - «Արցախ»
10. Դավիթ Խաչատրյան «Գրանդ Սպորտ»
11. Արագատ Աբրահամիան, «Մասիս», ԱՄՆ
12. Արման Հակոբյան - «Արթիկ»
13. Նիկիտա Զախարով - «Ուրարտու»
Քրիս Յանկու Օսկիյանը վնասվածքի պատճառով չի միացել ազգային հավաքականին: Արկադի Մկրտիչյանը, Արտյոմ Թավակալյանը, Կարեն Չիվիչյանը, Մեթյու Մադոյանը, Արամ Արսլանյանը, Սթիվեն Էնոչը ու Անդրե Սփայթ Մկրտչյանը հավաքականին չեն կարող միանալ ԱՄՆ ուսանողական լիգայի հանդիպումների պատճառով:
Հայաստան-Ալբանիա հանդիպումը տեղի է ունենալու փետրվարի 25-ին, Երևանի ԿԱ ՊԵԿ (նախկին «Միկա») մարզահամալիրում և սկսվելու է 19:00-ին: Մուտքն ազատ է:
Բաժանորդագրվեք մեր ալիքին Telegram-ում