Երևանում՝ 11:07,   19 Մարտ 2024

Մայր թատրոնը գերակատարել է նախորդ տարի նախատեսված ֆինանսական ցուցանիշները

Մայր թատրոնը գերակատարել է նախորդ տարի նախատեսված ֆինանսական 
ցուցանիշները

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Սուբսիդիայի պայմանագրի բոլոր կետերով Գ. Սունդուկյանի անվան ազգային ակադեմիական թատրոնը 2017 թվականին գերակատարում է արձանագրել: Նախորդ տարվա ֆինանսական բարձր ցուցանիշներն ապահովել են հատկապես նոր՝ «Մեծապատիվ մուրացկաններ», «Պեպո», «Արծվաբույն» և «Սառցե սիրտը» ներկայացումները։

Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, Մայր թատրոնի նորացված խաղացանկից նախարար Ամիրյանի սիրտը գերել է Լիլի Էլբակյանի բեմադրած «Սառցե սիրտը» մանկական ներկայացումը:

«Սա վերջին առնվազն հինգ տարում իմ դիտած լավագույն ներկայացումներից է, եթե ոչ լավագույնը: Նման եռաչափ, ժամանակակից, ես կասեի վաղվա մտածողությամբ ռեժիսորին պետք է հնարավորություն տալ բեմադրելու ոչ միայն Սունդուկյանի, այլև մյուս թատրոնների բեմերում»,-նշել է նախարարը:

«Շաբաթվա երեք օրերին Մայր թատրոնի դահլիճը պետք է հանդիսատես ունենա. ծրագրեք շաբաթը երեք ներկայացում»,-նախարարի պահանջն է եղել, որն իրականացնելու համար, ըստ նրա, թատրոնն այսօր ունի ներուժ, կարողություն և ամենակարևորը՝ ցանկություն:

Թատրոնի տնօրեն Վարդան Մկրտչյանի արձանագրած փաստը նախարարի նախկինում հնչեցրած պահանջներից էր. դահլիճը վարձակալության տալուց գոյացած եկամտի փոխարեն թատրոնն իր եկամուտն ավելացրել է տոմսերի վաճառքից ստացված հասույթի հաշվին:

«Ջինիշյան» հիշատակի հիմնադրամի ֆինանսական օժանդակությամբ Մայր թատրոնի տոմսարկղն առաջիկայում ամբողջությամբ նոր տեսք կստանա՝ թվային էկրանով, տեխնիկական նոր լուծումներով: Տոմսարկղի «բացումը» կնշանավորվի նաև նոր կայքէջի գործարկումով: Սունդուկյանցիներն ակտիվացել են ոչ միայն բեմում, այլև սոցիալական հարթակում.

Թատրոնի ֆեյսբուքյան էջի հետևորդների թիվն ընդամենը մի քանի ամսում 4 հազարից հասել է 12 հազարի, մինչև տարեվերջ ակնկալում են կրկնապատկել ցուցանիշը:

Գ. Սունդուկյանի անվան ազգային ակադեմիական թատրոնը 2018-ին առնվազն երեք պրեմիերա է նախատեսել՝ «Սասնա ծռեր», «Հարսնացուն հյուսիսից» և «Գտնված երազը»:

Սունդուկյանցիները փնտրում են իրանցի ռեժիսոր՝ Ֆիրդուսու «Ռոստամ և Զոհրաբ»-ը բեմադրելու համար:

Մեկ ներկայացման կամ միջոցառման ողջ հասույթը Ստեփանակերտի թատրոնի վերանորոգմանն ուղղելու՝ ՀՀ մշակույթի նախարարության նախաձեռնությանը սունդուկյանցիներն արձագանքեցին. «Մեծ հաճույքով… Այդ հարցը չի քննարկվում»:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]