Թրամփը մերժել Է բանակցությունների սեղանի շուրջը նստելու Մադուրոյի առաջարկությունը. EFE
11:17, 21 Փետրվար 2018
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը մերժել Է երկխոսություն սկսելու Վենեսուելայի նախագահ Նիկոլաս Մադուրոյի կողմից փետրվարի 19-ին արված առաջարկությունը: Փետրվարի 20-ին այս մասին գաղտնիության պայմանով EFE գործակալությանը հայտնել Է Սպիտակ տանը կից Ազգային անվտանգության խորհրդի ներկայացուցիչը, տեղեկացնում Է «Արմենպրես»-ը:
«Ինչպես մենք արդեն անցյալ տարվա օգոստոսին ասել ենք, նախագահ Թրամփը հաճույքով կխոսի Վենեսուելայի ղեկավարի հետ, հենց որ որոշակի քայլեր արվեն»,- ասել Է գործակալության զրուցակիցը: Նա դրանց թվում ներառել Է հարավամերիկյան պետությունում «ժողովրդավարության վերականգնումը», այդ երկրի «Սահմանադրության կիրառումը», «ազատ, արդար եւ վստահության արժանի ընտրությունների անցկացումը, քաղաքական բանտարկյալների ազատումը» եւ «մարդու իրավունքների խախտումների» դադարեցումը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում