ԵՐԵՎԱՆ, 20  ՓԵՏՐՎԱՐԻ, ԱՐՄԵՆՊՐԵՍ: ՀՀ կառավարությանն առընթեր անշարժ գույքի կադաստրի պետական կոմիտեի մարզային ստորաբաժանումների, ինչպես նաև սպասարկման գրասենյակների օպտիմալացման արդյունքում 2017-ին տնտեսվել է շուրջ 385 մլն դրամ: «Արմենպրես»-ի հաղորդմամբ` լրագրողների հետ հանդիպմանն այս մասին ասաց Անշարժ գույքի կադաստրի պետական կոմիտեի նախագահ Մարտին Սարգսյանը:

«2017-ին տարածքային ստորաբաժանումներում և գրասենյակներում շարունակվել են օպտիմալացման ծրագրերը: «Արմավիր», «Կոտայք», «Արագածոտն», «Տավուշ», «Արարատ» և «Գեղարքունիք» տարածքային մարզային 6 ստորաբաժանումները միավորվել են Երևանի և մարզերի միավորված ստորաբաժանումներին: «Գեղարքունիք» մարզային ստորաբաժանումը միավորվել է Երևանի ստորաբաժանմանը»,-ասաց Սարգսյանը:

«Էրեբունի», «Նոր-Նորք» և «Արարատյան» սպասարկման գրասենյակները միավորվել են այլ գրասենյակների: Իսկ սպասարկման 3 գրասենյակներ՝ «Վայք, «Անի և «Ախուրյան, լուծարվել են:

Ներկայում կադաստրի պետական կամիտեի աշխատողների թվաքանակը 783 է: