Ժամանակը Երևանում՝ 11:07:36,   12 Դեկտեմբեր

ԱԺ-ում ընթացիկ շաբաթվա ընթացքում երկու խորհրդարանական լսում կանցկացվի


ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Հայաստանի Ազգային ժողովում ընթացիկ շաբաթվա ընթացում երկու խորհրդարանական լսում կանցկացվի: Ինչպես հաղորդում է «Արմենպրես»-ը, փետրվարի 23-ին, ժամը 11:00-ին, ՀՀ ԱԺ նիստերի դահլիճում տեղի կունենան ՀՀ ԱԺ «Ելք» խմբակցության նախաձեռնած խորհրդարանական լսումները՝ «2008 թվականի մարտի 1-2-ի իրադարձությունների վերաբերյալ» թեմայով:

«Ելք» խմբակցություն լսումներին մասնակցելու համար հրավեր է ուղարկել նաև Հայ ազգային կոնգրես կուսակցությանը, վերջինս սակայն մերժել է հրավերը և լսումներին չի մասնակցի: Ազգային ժողովի «Ելք» խմբակցության ղեկավար Նիկոլ Փաշինյանը լսումներին մասնակցելու վերաբերյալ անձամբ էր նամակ ուղարկել ՀԱԿ առաջնորդ Լևոն Տեր-Պետրոսյանին, սակայն ՀԱԿ մամուլի խոսնակ Արման Մուսինյանը նշել էր, որ իրենք այդ թեմայով խորհրդարանական լսումներ կազմակերպելու անհրաժեշտություն չեն տեսնում:

Շաբաթվա ընթացքում Ազգային ժողովում խորհրդարանական լսումներ կանցկացվեն մեկ այլ թեմայով ևս: Փետրվարի 22-ին՝ ժամը 11:00-ին ՀՀ ԱԺ արտաքին հարաբերությունների մշտական հանձնաժողովի նախաձեռնությամբ, ԱԺ նիստերի դահլիճում կանցկացվեն «Սումգայիթյան ջարդեր: Հայատյացությունը որպես Ադրբեջանի պետական քաղաքականություն» թեմայով խորհրդարանական լսումներ: 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ