Հարավային Կորեան եւ ԱՄՆ-ը զորավարժություններ կանցկացնեն Օլիմպիական խաղերից հետո
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Կորեայի Հանրապետությունը եւ ԱՄՆ-ը համատեղ զորավարժություններ կանցկացնեն Փհենչհանի ձմեռային Օլիմպիական եւ Պարալիմպիական խաղերից հետո: Այդ մասին, ինչպես տեղեկացնում Է «Արմենպրես»-ը, ասված Է ազգային Հարավային Կորեայի պաշտպանության նախարարության զեկույցում, որը փետրվարի 20-ին ներկայացվել Է երկրի խորհրդարանում:
«Դաշնակիցները կանցկացնեն Key Resolve Ulchi հրամանատարաշտաբային վարժանքները եւ Freedom Guardian զորավարժությունները, որպեսզի բարձրացնեն հյուսիսկորեական հրթիռային սպառնալիքից պաշտպանվելու օպերատիվ պատրաստվածությունը»,- նշվում Է զեկույցում: Միեւնույն ժամանակ փաստաթղթում ոչինչ չի ասվում առավել ընդգրկուն Foal Eagle դաշտային զորավարժությունների մասին:
Վերջին տարիներին դրանց մասնակցում են 200 հազարից մինչեւ 300 հազար զինծառայողներ, ներգրավվում են ամերիկյան ռազմավարական սպառազինություններ: Փհենյանը ամերիկա-հարավկորեական զորավարժությունները համարում Է ԿԺԴՀ դաշնակիցների ներխուժման փորձարկում եւ ձեռնարկում Է ռազմական բնույթի հակամիջոցներ, որոնք Հարավում եւ ԱՄՆ-ում իրենց հերթին համարում են սադրիչ գործողություններ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում