Ժամանակը Երևանում՝ 11:07:36,   23 Հունիս

«Մեկ անգամ Հայաստանում» մրցույթի արդյունքներն ամփոփվել են, հայտնի են հաղթողների անունները


ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: «Արմենիա» ավիաընկերության, «Արմենպրես» լրատվական գործակալության և ՀՀ տնտեսական զարգացման և ներդրումների նախարարության զբոսաշրջության պետական կոմիտեի հայտարարած «Մեկ անգամ Հայաստանում» ուշագրավ և իրական պատմությունների մրցույթն ամփոփել է արդյունքները:

Եվ այսպես. «Պատմություն, որի կենտրոնում Հայաստան այցելած զբոսաշրջիկն է» անվանակարգում հաղթող է ճանաչվել Մերի Զոհրաբյանը, իսկ «Պատմություն, որի հերոսը հեղինակն է» անվանակարգում հաղթող է ճանաչվել Նանե Հայրապետյանը: Նրանք կստանան մեկական ավիատոմս Երևան-Բեյրութ-Երևան կամ Բեյրութ-Երևան-Բեյրութ ուղղություններով:

Հատուկ մրցանակներ կստանան մրցույթին մասնակցած Մհեր Տէր Դավիթեանը, Աննա Գևորգյանը, Գայանե Սարգսյանը և Լիանա Եղիազարյանը:

Մրցանակաբաշխության օրվա մասին կտրամադրվի հավելյալ տեղեկատվություն:

Մրցույթը մեկնարկել էր 2017 թվականի դեկտեմբերի 21-ին: Ստացվել էին մի քանի տասնյակ պատմություններ: Պատմությունների միջոցով նորովի էր ներկայացվում Հայաստանի զբոսաշրջային գրավչությունը, բացահայտվում աշխարհում հնագույն երկրներից մեկի հայտնի ու դեռևս անհայտ կողմերը:




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ