Ժամանակը Երևանում՝ 11:07:36,   15 Դեկտեմբեր

Առաջիկա օրերին Լևոն Մկրտչյանն այցելելու է ԵՊՀ տեղի ունեցած միջադեպի մանրամասները ճշտելու համար


ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ։  Երևանի պետական համալսարանի Ռոմանագերմանական բանասիրության ֆակուլտետում տեղի ունեցած ծեծկռտուքի մանրամասներին տեղեկանալու համար ՀՀ ԿԳ նախարարը նախատեսում է այցելել ԵՊՀ։

«Արմենպրես»-ի հաղորդմամբ՝ լրագրողների հետ զրույցում Լևոն Մկրտչյանը նշեց, որ եթե ֆակուլտետի փոխդեկանի կողմից ուսանողներից մեկին անպարկեշտ առաջարկություն անելու լուրերը հաստատվեն, բնականաբար, դա անթույլատրելի երևույթ է:

«Լուրերի հաստատվելը, բնականաբար, անթույլատրելի կլինի ոչ միայն համալսարանի, այլև որևէ այլ կազմակերպության համար։ Համալսարանները պետք է լինեն անկախ, սակայն դրանց գերակշիռ մասի հիմնադիրը ՀՀ-ն է և, բնականաբար, դրանց առաքելությունն, ուղղվածությունը, բարոյական իրավիճակը շատ կարևոր է։ Ինձ համար անսպասելի էր այս ամենը և կփորձեմ ճշտել եղելության իսկությունն ու մանրամասները։ Այստեղ պետք է հստակ դիրքորոշում լինի, քանի որ դասախոսը պարտավոր է մակարդակ ապահովել»,- ընդգծեց Մկրտչյանը։

Դեպքի պատճառով, ըստ տարածված լուրերի, աղջկա հարազատները Բարսեղյանին իր աշխատասենյակում ծեծի են ենթարկել։




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ