ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Մասնագետները հայտնաբերել են իրանական մարդատար ինքնաթիռի բեկորների մի մասը, որը կործանվել Է փետրվարի 18-ին: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել Է Իսլամական Հանրապետության տրանսպորտի նախարարության մի աղբյուր:

«Ինքնաթիռի բեկորների մի մասը հայտնաբերվել Է Դենգեզլյու շրջանի հարեւանությամբ»,-ասել Է աղբյուրը: Նրա խոսքով՝ աղետի վայրում աշխատում են ալպինիստների խմբեր, որոնումներին մասնակցում Է նաեւ բանակը:

«Մենք խնդրել Էինք բանակին՝ որոնումներին օգնել ռազմական ուղղաթիռներով, քանի որ աղետյալ ինքնաթիռի հայտնաբերման նախորդ փորձերը հաջողություն չեն ունեցել»,-նշել Է գործակալության զրուցակիցը:

Aseman Airlines ավիաընկերության՝ Թեհրան-Յասուջ չվերթն իրականացնող ATR-72 ինքնաթիռը փետրվարի 18-ին ռադարներից անհետացել Է թռիչքի սկսվելուց մոտավորապես 50 րոպե անց: Օդանավն աղետի Է ենթարկվել Իրանի Սպահանի նահանգի Սեմիրոմ քաղաքի շրջանում` մխրճվելով լեռան մեջ: Ինքնաթիռում եղել Է 66 մարդ՝ 60 ուղեւոր, այդ թվում՝ մեկ երեխա, եւ անձնակազմի վեց անդամներ: Նրանք բոլորն Էլ զոհվել են: