Ժամանակը Երևանում՝ 11:07:36,   26 Մայիս

Տուրիստական Ջերմուկի ղեկավարը համայնքի խոշորացումը հաջողված է համարում


ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ։ Վայոց Ձորի մարզի Ջերմուկ համայնքի ղեկավար Վարդան Հովհաննիսյանը համայնքների խոշորացումը նպաստավոր է համարում հարակից գյուղերի համար՝ հատկապես տուրիզմի տեսանկյունից։ «Արմենպրես»-ի հետ զրույցում Հովհաննիսյանն ասաց, որ իրենց խոշորացված համայնքը հաջողվածներից է։

«Համայնքների խոշորացման արդյունքում մեզ են միացել Կեչուտ, Գնդեվազ, Կարմրաշեն, Հերհեր գյուղերը։ Կարող եմ ասել, որ մեր բյուջեն կրկնապատկվել է և այսօր հնարավորություն ունենք ընդհանուր համայնքի կարգավիճակը փոխելու և ավելի շենացնելու։ Համայնքի խոշորացումը մեր գյուղական համայնքների համար շատ նպաստավոր է, քանի որ նրանք էլ են այսօր արդեն տուրիզմի կենտրոն համարվող մեր Ջերմուկի մի մաս կազմում»,- ընդգծեց Վարդան Հովհաննիսյանը։

2016-2017 թվականներին իրականացված ծրագրերում ներառված 465 համայնքի միավորման արդյունքում ձևավորվել է 52 համայնք։ 2018-2019 թվականներին նախատեսվում է շարունակել վարչատարածքային բարեփոխումները և ավարտել համայնքների խոշորացման գործընթացը։

Լիլիթ Դեմուրյան




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ