Մարմարաշենում ավտոտնակի տանիք է այրվել
12:40, 18 Փետրվար 2018
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը փետրվարի 18-ին, ժամը 05:50-ին ահազանգ է ստացել, որ հրդեհ է բռնկվել Արարատի մարզի Մարմարաշեն գյուղի Արարատյան խճուղու 2-րդ փողոցի տներից մեկի մոտակայքում գտնվող ավտոտնակի տանիքում:
Դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 06:36-ին, մարվել` 07:30-ին:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, այրվել են ավտոտնակի տանիքի փայտյա կառուցատարրերը (մոտ 30 քմ):
Բաժանորդագրվեք մեր ալիքին Telegram-ում