Իսակովի պողոտայում մեքենան բախվել է բետոնե պատնեշին. կա չորս վիրավոր
17:43, 17 Փետրվար 2018
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Երևան քաղաքի Իսակովի պողոտայում՝ Ոստիկանության ակադեմիայի մոտակայքում փետրվարի 17-ին խոշոր ճանապարհատրանսպորտային պատահար է գրանցվել: Ինչպես «Արմենպրես»-ին տեղեկացրին արտակարգ իրավիճակների նախարարությունից, դեպքի վայր են մեկնել երկու մարտական հաշվարկ և Ճգնաժամային կառավարման ազգային կենտրոնի օպերատիվ խումբը:
Պարզվել է, որ Lada Priora մակնիշի 81 SX 008 պետհմարանիշով ավտոմեքենան բախվել է գազի հաշվիչին և ճնշման կարգավորիչին, այնուհետև բետոնե արգելապատնեշին, ինչի հետևանքով 1996 թ. ծնված Մ. Ս.-ը հոսպիտալացվել է, իսկ 1997 թ. ծնված Է. Օ.-ը, Ս. և Խ. Կ.-երը տեղի ուժերով տեղափոխվել՝ «Աստղիկ» ԲԿ:
Փրկարարները փակել են գլխավոր գազի կայանից դուրս եկող խողովակի փականը:
Բաժանորդագրվեք մեր ալիքին Telegram-ում